Mae ein hymchwilydd dylanwad mewnosodedig yn gweithio ar draws prosiectau byw i gefnogi amrywiaeth o weithgareddau cynllunio a chofnodi dylanwad i ddeall yn well pam y gall brocera gwybodaeth wella\u2019r broses o lunio polis\u00efau ar sail tystiolaeth.<\/p>\n\n\n\n
Mae Canolfan Polisi Cyhoeddus Cymru yn Sefydliad Brocera Gwybodaeth sy\u2019n rhoi tystiolaeth annibynnol gadarn i weinidogion Llywodraeth Cymru ac i wasanaethau cyhoeddus er mwyn cyfrannu at y broses o wneud penderfyniadau. Mae wedi ymrwymo i sicrhau\u2019r dylanwad mwyaf posibl drwy ddeall sut a pham y gall brocera gwybodaeth alluogi\u2019r rhai sy\u2019n gwneud penderfyniadau i gael gafael ar dystiolaeth yn well a\u2019i defnyddio.<\/p>\n\n\n\n
Dros y blynyddoedd diwethaf bu cynnydd yn nifer y Sefydliadau Brocera Gwybodaeth, a law yn llaw \u00e2 hynny bu nifer o astudiaethau ar eu r\u00f4l a\u2019u gweithgareddau amrywiol<\/a>, ond nid ydym yn gwybod rhyw lawer am eu dylanwad<\/a>. Mae ein hymchwil ni yn ceisio deall y berthynas rhwng arferion brocera gwybodaeth<\/a> ein Canolfan a defnyddio tystiolaeth mewn penderfyniadau ar bolisi ac ymarfer.<\/p>\n\n\n\n Yr Ymchwilydd Dylanwad Mewnosodedig<\/strong><\/p>\n\n\n\n Er mwyn gwneud hyn, rydym wedi datblygu model Ymchwilydd Dylanwad Mewnosodedig. Dyma ymchwilydd sy\u2019n gweithio ar draws prosiectau byw i gefnogi amrywiaeth o weithgareddau cynllunio a chofnodi dylanwad. Gwnaethom ddefnyddio enghreifftiau a oedd eisoes yn bodoli o ymchwil \u2018mewnol\u2019 a gynhaliwyd gan sefydliadau brocera gwybodaeth ochr yn ochr \u00e2 gwerthusiadau a gynhaliwyd gan ymchwilwyr \u2018mewnosodedig, i ddylunio ac i fireinio nifer o adnoddau a dulliau cofnodi dylanwad a datblygu dull o\u2019u defnyddio\u2019n systematig ar draws ein gwaith.<\/p>\n\n\n\n Mae\u2019r Ymchwilydd Dylanwad Mewnosodedig yn defnyddio dull sy\u2019n seiliedig ar wybodaeth gan realyddion er mwyn gwerthuso dylanwad ein harferion brocera gwybodaeth. Mae hyn yn canolbwyntio ar fynegi ac adnabod y mecanweithiau sylfaenol sy\u2019n arwain at ddylanwad a\u2019r ffactorau cyd-destunol sy\u2019n galluogi hyn. Yn ymarferol, mae hyn yn golygu gweithio ochr yn ochr \u00e2 chydweithwyr yn y Ganolfan ac eraill (e.e. academyddion, Llywodraeth Cymru, neu swyddogion yn y sector cyhoeddus) a defnyddio cyfres o \u2018offer\u2019 drwy gydol prosiectau \u2500 gan gynnwys arsylwi strwythuredig, dadansoddiad rhanddeiliaid, mapio dylanwad, logiau myfyriol, cyfweliadau sy\u2019n seiliedig ar wybodaeth gan realyddion a sesiynau myfyrio \u2500 i gofnodi\u2019r dewisiadau ymarfer sy\u2019n cael eu gwneud i sicrhau dylanwad.<\/p>\n\n\n\n