Er mwyn mynd i\u2019r afael \u00e2\u2019r heriau cymhleth sy\u2019n wynebu cymunedau ledled Cymru bydd angen partneriaethau ystyrlon sy\u2019n pontio\u2019r bwlch rhwng y sector cyhoeddus a\u2019r cymunedau y mae\u2019n eu cefnogi. Mae gwaith ymgysylltu diweddaraf WCPP yn datgelu bod awydd a pharodrwydd i gydweithio rhwng sectorau yng Nghymru, a sail dystiolaeth i gefnogi hynny, ond bod rhwystrau yn dal i atal cydweithio parhaus rhwng y sectorau cymunedol a chyhoeddus. Er ein bod yn cydnabod nad oes atebion syml er mwyn chwalu\u2019r holl rwystrau hysbys ac anhysbys sy\u2019n atal cydweithio, rydym wedi bod yn edrych beth arall y gallwn ei wneud fel canolfan dystiolaeth i helpu i ysgogi a meithrin ymddygiadau ac arferion mwy cydweithredol.<\/p>\n\n\n\n
Er 2023, mae Canolfan Polisi Cyhoeddus Cymru (WCPP) a\u2019r Bartneriaeth Cymunedau Dyfeisgar<\/a> (RCP) wedi datblygu sail dystiolaeth sy\u2019n gysylltiedig \u00e2 chydweithio amlsector i wella llesiant cymunedol.<\/a> Yn ystod y flwyddyn ddiwethaf (2024-25) rydym wedi bod yn edrych ar ffyrdd gwell o drosi\u2019r dystiolaeth hon yn weithredu. Gan adeiladu ar waith cwmpasu cychwynnol, rydym wedi:<\/p>\n\n\n\n Nod yr ymgysylltu hwn oedd ceisio deall beth arall y gallai fod ar ymarferwyr ei angen er mwyn defnyddio dull gweithredu sy\u2019n seiliedig ar dystiolaeth. Nid ceisio canfod yr<\/em> ateb oedd nod yr ymgysylltu. Yn hytrach, roedd yn ceisio cael mewnwelediad dyfnach, a chanfod a oes gwir alw am ddatblygu offeryn neu adnodd i gefnogi gweithredu, ac os oes: Beth sydd ei angen? Pwy sydd ei angen? Beth allen nhw fod eisiau ei wneud, ei brofi, a\u2019i gyflawni drwy ryngweithio \u00e2\u2019r offeryn\/adnodd?<\/em> Yn y blog yma rydym yn tynnu sylw at rai o\u2019r prif bethau a ddysgwyd ac yn egluro beth rydym yn bwriadu ei wneud nesaf.<\/p>\n\n\n\n Y prif bethau a ddysgwyd o\u2019n gweithgareddau ymgysylltu<\/strong><\/p>\n\n\n\n Dangosodd y gweithdai frwdfrydedd a rhwystredigaeth. Roedd llawer o drafodaethau\u2019n archwilio\u2019r rhwystrau diwylliannol, strwythurol, ac ymddygiadol sy\u2019n atal cydweithio. Gall y rhwystrau hyn greu partneriaethau anghyfartal, neu ddisgwyliadau anghydnaws, rhwng y gymuned a phartneriaid cyhoeddus yn deillio o wahanol gyllidebau, strwythurau llywodraethu, systemau monitro, a ffyrdd o weithio a all achosi i\u2019r sectorau hyn weithio \u2018gyda\u2019i gilydd\u2019 ac ar wah\u00e2n yr un pryd.<\/p>\n\n\n\n Pan ofynnwyd beth allai helpu i bontio\u2019r bwlch gweithredu, mynegodd y rhanddeiliaid bryderon yngl\u0177n \u00e2 datblygu \u2018pecyn cymorth arall\u2019 na fyddai\u2019n cael ei ddefnyddio o bosibl. Roeddent yn ein hannog i feddwl am hirhoedledd ac effaith o\u2019r dechrau un \u2014 er enghraifft, drwy ymwreiddio\u2019r hyn sy\u2019n cael ei ddatblygu mewn arferion a phrosesau sy\u2019n bodoli\u2019n barod \u2014 er mwyn mynd ymhellach na\u2019r adnoddau presennol a lleihau\u2019r risg o \u2018eistedd-ar-silff\u2019. Tri o\u2019r prif bethau y gofynnwyd amdanynt oedd datblygu cyfuniad o offeryn digidol, yn cael ei ategu gan ryngweithio dynol, a fydd yn:<\/p>\n\n\n\n Er nad ydym yn si\u0175r a fydd cyfuno\u2019r dynol a\u2019r digidol yn ddichonadwy, pwysleisiodd llawer fod angen cysylltiadau dynol gan eu bod yn teimlo y byddai\u2019n amhosibl i adnodd digidol ddarparu gwybodaeth gyfredol, berthnasol yn gyson y gall defnyddwyr ei chymhwyso er mwyn canfod eu ffordd o gwmpas y strwythurau presennol a\/neu oresgyn rhwystrau penodol sy\u2019n atal cydweithio.<\/p>\n\n\n\n Y prif bethau a ddysgwyd o\u2019n hadolygiad desg<\/strong><\/p>\n\n\n\n Er mwyn dysgu o\u2019r arferion presennol ac osgoi dyblygu, fe wnaethom adolygu 36 o adnoddau a nodwyd gan y rhai a ddaeth i\u2019r gweithdai a thrwy chwiliadau rhyngrwyd ehangach. Datgelodd yr adolygiad desg fylchau amlwg a chyfleoedd i wella:<\/p>\n\n\n\n Pwynt pwysig a ddysgwyd o\u2019r adolygiad hwn oedd y gallai\u2019r weledigaeth uchelgeisiol ar gyfer yr offeryn\/adnodd, a\u2019r heriau technegol a chysylltiedig ag adnoddau sy\u2019n gysylltiedig \u00e2\u2019i wireddu, egluro pam nad oes adnodd o\u2019r math hwn yn bodoli ar hyn o bryd. Maes nad ydym wedi edrych arno eto yw a allai datblygu cymwysiadau deallusrwydd artiffisial cynhyrchiol hygyrch helpu i wneud ein gweledigaeth yn fwy dichonadwy o safbwynt technegol.<\/p>\n\n\n\n Pwyntiau a ddysgwyd a\u2019r camau nesaf<\/strong><\/p>\n\n\n\n Pan oeddem yn dechrau\u2019r gwaith hwn roeddem yn amheus a oedd galw am offeryn neu adnodd arall, gan fod cynifer yn bodoli\u2019n barod, ond erbyn y diwedd rydym wedi ein hysbrydoli gan faint y diddordeb parhaus a\u2019r momentwm a gr\u00ebwyd gan y gyfres o weithdai. Rhoddodd y momentwm hwn ddigon o hyder i WCPP roi\u2019r her hon allan ar dendr er mwyn edrych ar yr ystod o bartneriaid ac atebion posibl a allai fod yn bodoli. Rydym yn gobeithio symud ymlaen \u00e2\u2019r gwaith hwn yn hydref 2025 a thrwy 2026.<\/p>\n\n\n\n Nid ydym yn disgwyl creu ateb i gydweithio amlsector rhwng y sectorau cymunedol a chyhoeddus, ond rydym yn gobeithio y gallwn gymryd camau ystyrlon tuag at chwalu rhwystrau ac ategu ymdrechion ehangach er mwyn adeiladu cydweithio effeithiol, mwy cyfartal i wella llesiant cymunedol. Nid ydym ychwaith yn disgwyl i bartner ymgymryd \u00e2\u2019r her hon ar ei ben ei hun. Er mwyn stiwardio\u2019r prosiect hwn ar y cyd, rydym wedi creu Gr\u0175p Llywio yn cynnwys safbwyntiau amrywiol o fewn y sector a chyfleoedd posibl i brofi\u2019r offeryn yn y byd go iawn.<\/p>\n\n\n\n Os hoffech ymwneud \u00e2\u2019r gwaith hwn, dilyn ein camau nesaf, neu drafod unrhyw rai o\u2019r mewnwelediadau hyn, cysylltwch \u00e2 charlotte.morgan@wcpp.org.uk.<\/p>\n\n\n\n\n
\n
\n