{"id":15443,"date":"2024-10-07T15:16:43","date_gmt":"2024-10-07T15:16:43","guid":{"rendered":"https:\/\/wcpporguk.cf.ac.uk\/deall-effaith-ar-draws-y-rhwydwaith-what-works-y-du\/"},"modified":"2026-03-16T14:38:17","modified_gmt":"2026-03-16T14:38:17","slug":"deall-effaith-ar-draws-y-rhwydwaith-what-works-y-du","status":"publish","type":"post","link":"https:\/\/wcpp.org.uk\/cy\/blog-posts\/deall-effaith-ar-draws-y-rhwydwaith-what-works-y-du\/","title":{"rendered":"Deall effaith ar draws y Rhwydwaith 'What Works' y DU"},"content":{"rendered":"\n

Nod pob Canolfan What Works yw cael effaith drwy ymgorffori tystiolaeth mewn polis\u00efau a\/neu arferion. Fodd bynnag, oherwydd bod gan bob Canolfan wahanol nodau, arferion, cynulleidfaoedd, modelau cyllido, lefelau staffio a maint, gall eu dealltwriaeth o effaith, a sut maen nhw\u2019n mesur ac yn cyfleu eu heffaith, fod yn wahanol.<\/p>\n\n\n\n

Mae ein hymchwil rhagarweiniol, sy\u2019n seiliedig ar gyfweliadau \u00e2 chanolfannau What Works a\u2019u rhanddeiliaid, yn dangos bod dealltwriaeth amrywiol o effaith<\/strong>. Mae\u2019r rhain yn cynnwys agweddau mor amrywiol \u00e2 bod yn sefydliad credadwy yn y maes tystiolaeth-polisi-ymarfer, cynhyrchu a chrynhoi tystiolaeth gadarn a dibynadwy, meithrin perthnasoedd a rhwydweithiau gyda\u2019r rhai sy\u2019n gwneud penderfyniadau, a helpu pobl i weithredu\u2019r dystiolaeth. Mae\u2019r ystyron hyn o effaith yn fwy anffurfiol a chymhleth na dealltwriaeth achosol<\/strong> fel \u2018fe ddywedon ni hyn ac mae llunwyr polis\u00efau wedi\u2019i roi ar waith\u2019 (sy\u2019n digwydd yn anaml iawn).<\/p>\n\n\n\n

Y digwyddiad lansio<\/u><\/strong><\/p>\n\n\n\n

Fe wnaethom lansio\u2019r prosiect yn yr Evidence Quarter yn Llundain ym mis Mehefin 2023 gyda 22 o gyfranogwyr o 10 Canolfan What Works. Helpodd y digwyddiad i ennyn diddordeb a momentwm mewn cysylltiad \u00e2\u2019r prosiect, a rhoddodd gyfle i gyfranogwyr \u00e2 rolau tebyg rwydweithio wyneb yn wyneb a dechrau trafod y tair prif agwedd ar effaith.<\/p>\n\n\n\n

Cafodd tri math o weithgaredd eu cynnal gennym:<\/p>\n\n\n\n

    \n
  1. Sesiwn rwydweithio lle bu\u2019r cyfranogwyr yn trafod yr hyn yr oeddent am ei gael o\u2019r prosiect a sut y gallent gyfrannu ato. Mae\u2019r ffigur isod yn dangos bod cytundeb cyffredinol ynghylch prif nodau\u2019r prosiect hwn.


    \"\"

    <\/li>\n\n\n\n
  2. Roedd ail sesiwn yn edrych ar beth oedd ystyr effaith i wahanol gyfranogwyr, a\u2019r ffactorau sy\u2019n dylanwadu ar hyn yn eu Canolfan What Works. Yma, roedd Canolfannau wedi dwyn \u00e2 mwy nag un ystyr o effaith<\/strong> i\u2019r golwg, o'r ddealltwriaeth achosol draddodiadol o effaith o ganlyniad i ddefnyddio cynhyrchion tystiolaeth, i'r broblem priodoli a'r anhawster profi effaith pan fydd sefydliad yn bodoli yn y gofod tystiolaeth-polisi-ymarfer.<\/li>\n<\/ol>\n\n\n\n

    Roedd y rhai a oedd yn bresennol yn dangos bod paratoi\u2019r tir ar gyfer effaith,  fel datblygu tystiolaeth gadarn o ymyriadau perthnasol, yn arwyddocaol ond bod y gwaith meithrin gallu mae Canolfannau\u2019n ei wneud wrth ddatblygu llythrennedd pwnc a thystiolaeth ymysg eu rhanddeiliaid drwy hyfforddiant yn bwysig hefyd. Cafodd yr effaith ei mesur drwy newidiadau mewn ymwybyddiaeth, ymddygiadau, systemau a pholisi, sy\u2019n gallu helpu i ddylanwadu ar newid systemig.<\/p>\n\n\n\n

    Hefyd roedd Canolfannau What Works wedi pwysleisio\u2019r nifer o heriau o ran sicrhau effaith<\/strong> fel y capasiti a\u2019r sgiliau yn eu sefydliad eu hunain, yn ogystal \u00e2 rhai eu rhanddeiliaid. Roedd cyfranogwyr wedi trafod manteisio ar gyfleoedd a\u2019u gallu i ddeall y system ehangach, gan ganiat\u00e1u iddynt fod yn strategol a thargedu eu camau gweithredu.<\/p>\n\n\n\n

      \n
    1. Roedd y drydedd sesiwn yn gyfle i Ganolfannau rannu eu profiadau o gynhyrchu effaith<\/strong>. Tynnodd y Ganolfan Heneiddio\u2019n Well sylw at ei gwaith yn cyflawni ymrwymiad y llywodraeth i wella safonau hygyrchedd<\/a>. Trafododd y Ganolfan Effaith Digartrefedd brosiect wedi\u2019i gynhyrchu ar y cyd<\/a> \u00e2 chynghorau a oedd yn darparu fframwaith ystyrlon a mesuradwy ar gyfer lleihau digartrefedd. Esboniodd What Works Growth yr hyfforddiant y mae\u2019n ei gynnal i lunwyr polisi lleol ar ddefnyddio tystiolaeth a modelau rhesymeg<\/a>). Rhannodd What Works Crime Reduction ei fodel aeddfedrwydd lleihau troseddu<\/a> sy\u2019n asesu pa mor seiliedig ar dystiolaeth yw sefydliad.<\/li>\n<\/ol>\n\n\n\n

      Roedd rhannu\u2019r straeon effaith hyn wedi arwain at drafodaethau ar gyfres o bynciau fel:<\/p>\n\n\n\n