Mae'r argyfwng costau byw yn gwneud mynediad at wasanaethau lles yn y gymuned yn bwysicach fyth i nifer cynyddol o bobl. Mae\u2019r gwasanaethau hyn \u2013 o gyngor, eiriolaeth a gwasanaethau cymorth i sefydliadau hamdden a diwylliannol \u2013 yn hollbwysig i gefnogi ein llesiant uniongyrchol a hirdymor. Fel yr amlygwyd yn ystod y pandemig, maen nhw'n achub bywydau mewn cyfnodau o argyfwng. Ers y pandemig, mae llawer o wasanaethau yn y gymuned wedi sefydlu ffyrdd 'cyfunol' o weithio, gan gyfuno darpariaeth ar-lein ac all-lein, sydd \u00e2 goblygiadau sylweddol ac amrywiol o ran mynediad a chydraddoldeb; sut mae gwasanaethau'n gweithio ac i bwy. Caiff effeithiau gwahaniaethol digideiddio eu trafod yn eang: i rai (e.e. y rhai \u00e2 symudedd corfforol cyfyngedig) gall hygyrchedd gwasanaethau gynyddu, ond i eraill (e.e. y rhai \u00e2 mynediad cyfyngedig at ddata) gall hygyrchedd ostwng. Er bod y ddau yn ystyriaethau allweddol, mae'r darlun yn ddieithriad yn fwy cymhleth. Yn hytrach na bod yn 'ddigidol' neu beidio, mae gwasanaethau'n tueddu i fod yn 'gyfunol' - cyfuniad cymhleth o ddarpariaeth ar-lein ac all-lein, lle mae cwestiynau am fynediad yn ehangach o lawer na phwy all gerdded drwy'r drws - ffisegol neu rithwir.<\/p>\n
<\/p>\n
Beth mae'r llenyddiaeth yn ei ddweud?<\/strong><\/p>\n Dywed ymchwil wrthym fod mynediad at wasanaeth, gr\u0175p, neu weithgaredd yn golygu nid yn unig gallu cerdded drwy'r drws, ond sut deimlad yw cerdded drwyddo, a sut mae'n teimlo unwaith rydyn ni i mewn.\u00a0 Mae rhoi sylw i'r dimensiynau mynediad ansoddol hyn, yn ogystal \u00e2 rhai meintiol, yn hanfodol i ddeall a dileu'r rhwystrau at gyrchu gwasanaethau a wynebir gan wahanol unigolion a grwpiau mewn gwahanol gyd-destunau. Ceir llai o ymchwil i\u2019r ffordd y mae'r \u2018cyfuniad\u2019 cynyddol o ddarpariaeth ar-lein ac all-lein yn dylanwadu ar y dimensiwn ansoddol hwn o ran mynediad: y profiad o wasanaeth, ydyn ni'n teimlo croeso neu'n ofnus, wedi\u2019n grymuso neu\u2019n ddi-rym, ein bod yn cael ein clywed neu ein hanwybyddu. Mae cael gwell dealltwriaeth o wahanol ddulliau o 'gyfuno' darpariaeth ar-lein ac all-lein, i bwy maen nhw'n gweithio neu i beth, a sut, yn creu cyfleoedd newydd ar gyfer gwella mynediad at wasanaethau hanfodol wrth i'r argyfwng costau byw ddatblygu.<\/p>\n Mae ymchwil presennol ar ddylanwad digideiddio mewn gwasanaethau cyhoeddus a chymunedol yn tueddu i ganolbwyntio ar effeithlonrwydd y gwasanaeth yn hytrach nag effeithiolrwydd neu brofiad, ac ar ddimensiynau meintiol mynediad (pwy, a faint, sy'n gallu cerdded drwy'r drws). Ond mae ymchwil sy'n dod i'r amlwg yn edrych ar sut mae darpariaeth ddigidol ac ar-lein, a'r ffyrdd maen nhw'n gweithio gydag a thrwy ddarpariaeth ffisegol ac all-lein, boed yn fwriadol neu'n ddamweiniol, yn dylanwadu nid yn unig ar effeithlonrwydd<\/em> ond hefyd ar y profiad<\/em> o wasanaethau gwahanol.<\/p>\n Mae cyfuniadau gofalus o gymorth digidol ac wyneb yn wyneb wedi bod yn bwerus wrth helpu pobl i ymgysylltu \u00e2 gwasanaethau yn y byd ffisegol yn ogystal \u00e2\u2019r byd digidol, lle\u2019r oedd y naill neu\u2019r llall wedi teimlo\u2019n anhygyrch yn flaenorol. Mewn gwaith ieuenctid, mae ymgysylltu ar-lein wedi'i amlygu fel cam pwysig tuag at ryngweithio a 'grymuso' yn y byd all-lein. Mewn\u00a0 gwasanaethau ac ymyriadau iechyd meddwl, mae 'cyfuno' darpariaeth ar-lein ac all-lein wedi cynnig cyfleoedd ar gyfer gofal penodol i unigolion, neu ganfod problemau rhyng-gysylltiol (e.e. iechyd meddwl a dyled) a chydgysylltu llwybrau atgyfeirio neu gymorth priodol. Mae ymchwil mewn addysg yn dangos manteision amrywiol 'cyfuno', fel harneisio technoleg ddigidol i gynyddu cyfleoedd ar gyfer rhyngweithio wyneb yn wyneb; galluogi creu darpariaeth unigol i gyd-fynd ag anghenion neu amgylchiadau penodol; neu wella dealltwriaeth neu brofiad trwy ychwanegu at y byd ffisegol gyda gwybodaeth, delweddau neu ryngweithio digidol.<\/p>\n <\/p>\n