Wrth i flwyddyn gythryblus arall dynnu tua'i therfyn, rydym ni wedi bod yn edrych yn \u00f4l ar rai o gyflawniadau allweddol Canolfan Polisi Cyhoeddus Cymru yn 2019.\u00a0 Rydym ni'n byw mewn cyfnod diddorol dros ben, ond mae ansicrwydd gwleidyddol y flwyddyn ddiwethaf wedi'i gwneud yn bwysicach fyth ein bod yn gallu darparu tystiolaeth awdurdodol, annibynnol i lunwyr polis\u00efau a gwasanaethau cyhoeddus Cymru ar yr heriau mwyaf cymhleth sy\u2019n eu hwynebu: sut i fodloni'r galw cynyddol am ofal iechyd a chymdeithasol, sut i ymateb i argyfwng newid yn yr hinsawdd, a sut i hybu ffyniant economaidd a thegwch - i enwi tri yn unig.<\/p>\n
Mae\u2019n ddwy flynedd ers i Ganolfan Polisi Cyhoeddus Cymru gael cais i fabwysiadu mandad ehangach a gweithio gyda'r gwasanaethau cyhoeddus yn ogystal \u00e2 gweinidogion Llywodraeth Cymru.\u00a0 Dros y cyfnod hwnnw, rydym ni wedi cyhoeddi dros 40 o adroddiadau gan weithio gyda thros 100 o arbenigwyr ar draws y DU, ac mor bell \u00e2 Canada a Sweden.<\/p>\n
Mae adroddiadau diweddar wedi cynnwys gwaith ar: Llywodraeth Leol Cymru a chyni<\/a>; cefnogi gwelliannau yn y byrddau iechyd<\/a>; a'r effaith y gallai Papur Gwyn Llywodraeth y DU ar Fewnfudo ei gael ar Economi Cymru<\/a>.<\/p>\n Rydym ni wedi gweithio gyda Chwarae Teg ar yr Adolygiad o Gydraddoldeb Rhywedd<\/a> a gomisiynwyd gan Weinidogion, yn cynhyrchu adroddiadau ar ymdrin ag anghydraddoldeb drwy gyllidebu rhywedd<\/a>, a'r gwersi i'w dysgu gan y cenhedloedd Norwyaidd<\/a>.<\/p>\n Rydym ni wedi dadansoddi pam fod cynghorau Cymru'n gosod nifer cynyddol o blant mewn gofal<\/a>, edrych ar beth gall Cymru ei ddysgu gan ranbarthau twf uchel ar draws Ewrop<\/a>, ac ystyried sut i fesur gwerth undebau llafur<\/a> i'w haelodau ac i gyflogwyr.<\/p>\n Rydym ni wedi cyhoeddi 30 blog, gyda phynciau'n amrywio o'r angen am 'drawsnewid cyfiawn<\/a>' i gymdeithas net-sero carbon, i ymdrin \u00e2 phroblem unigrwydd<\/a>, i holi a yw Model Preston <\/a>yn cynnig sail ar gyfer diwygio caffael yng Nghymru i adolygiad o gyfraddau hunanladdiad dynion<\/a>.<\/p>\n Rydym ni wedi cynnull cyfres o Gynadleddau Beth sy'n Gweithio<\/a> i ddod \u00e2'r dystiolaeth a gr\u00ebwyd gan Ganolfannau Beth sy'n Gweithio eraill i Gymru a'r cenhedloedd datganoledig eraill, ac rydym ni wedi cynnal digwyddiadau pwysig yng Nghymru ac yn Llundain gan gynnwys: cynhadledd gyda Sefydliad Ymchwil Cymdeithasol ac Economaidd a Data Cymru ar bolisi a gwleidyddiaeth mewn cyfnod digynsail<\/a>; seminar gyda Pharc Ymchwil Gwyddorau Cymdeithasol Prifysgol Caerdydd ar fanteision ac arfer gorau symudedd gwybodaeth<\/a>, gyda'r Athro Jonathan Sharples o\u2019r Sefydliad Gwaddol Addysg yn cyflwyno'r prif anerchiad, a chynhadledd rhwng gweithwyr caffael proffesiynol <\/a>ac arbenigwyr yn cynnwys Liz Lucas o Gyngor Caerffili a\u00a0 Steve Robinson o Gyngor Caerdydd ar yr heriau ymarferol sy'n wynebu gweithwyr caffael a'r camau ymarferol i ymdrin \u00e2 nhw.<\/p>\n Yn yr haf fe lansion ni ein podlediad newydd PEP Talk<\/a>, sy'n cynnwys gorolwg difyr yn cynnig blas ar ddigartrefedd pobl ifanc<\/a>, y dreth gyngor a dyledwyr agored i niwed<\/a>, a chydraddoldeb rhywedd<\/a>. Gwrandewch am ein rhifyn diweddaraf ar undebau llafur yn y flwyddyn newydd.<\/p>\n