{"id":14908,"date":"2024-08-05T11:35:28","date_gmt":"2024-08-05T11:35:28","guid":{"rendered":"https:\/\/wcpporguk.cf.ac.uk\/news\/esboniad-ar-gydweithio-amlsectoraidd-i-wella-llesiant-cymunedol\/"},"modified":"2026-01-13T13:47:35","modified_gmt":"2026-01-13T13:47:35","slug":"esboniad-ar-gydweithio-amlsectoraidd-i-wella-llesiant-cymunedol","status":"publish","type":"news","link":"https:\/\/wcpp.org.uk\/cy\/news\/esboniad-ar-gydweithio-amlsectoraidd-i-wella-llesiant-cymunedol\/","title":{"rendered":"Esboniad ar gydweithio amlsectoraidd i wella llesiant cymunedol"},"content":{"rendered":"

Mae Canolfan Polisi Cyhoeddus Cymru wedi cyhoeddi ei chanfyddiadau o'i hymchwil arloesol, a gynhelir ar y cyd \u00e2 Phartneriaeth Cymunedau Dyfeisgar<\/a>, a oedd yn seiliedig ar gydweithio amlsectoraidd i wella llesiant cymunedol<\/a>.<\/p>\n

Y gobaith yw y bydd yr adroddiadau, ynghyd \u00e2 \u2018Fframwaith Gweithredu<\/a>\u2019 ymarferol, yn cefnogi ac yn gwella\u2019r dull cydweithio hanfodol rhwng gwasanaethau cyhoeddus a sefydliadau cymunedol yng Nghymru.<\/p>\n

Mae Dr Hannah Durrant, Uwch-gymrawd Ymchwil yn y Ganolfan Polisi Cyhoeddus Cymru, yn esbonio cefndir y prosiect hwn, ei ganfyddiadau allweddol a nodweddion y Fframwaith Gweithredu.<\/p>\n

\u00a0Y CEFNDIR<\/strong><\/p>\n

Yn ystod y pandemig, gwelwyd cynnydd mewn gweithredoedd a oedd yn cael eu gyrru gan gymunedau i gefnogi llesiant. Dechreuodd hyn yn aml drwy ddanfon bwyd neu bresgripsiynau i\u2019r rhai a oedd yn gorfod aros gartref, ond datblygodd i fod yn ddull o feithrin a chynnal cyswllt cymdeithasol.<\/p>\n

Roedd cymunedau wedi cymryd yr awenau i sicrhau llesiant pobl mewn ardaloedd. Fodd bynnag, roedd gwir deimlad mai\u2019r berthynas a ddatblygodd rhwng y gwasanaethau cyhoeddus a sefydliadau cymunedol oedd wedi galluogi\u2019r cynnydd mewn gweithredu cymunedol, ynghyd \u00e2 ffordd wahanol o weithio a oedd, ar y gorau, yn dibynnu ar nodau a gytunwyd a pharch tuag at y naill a\u2019r llall a\u2019u hamrywiol gryfderau ac adnoddau.<\/p>\n

Wrth i ni ddod allan o\u2019r pandemig, roedd gr\u0175p o sefydliadau yn y sector cyhoeddus a chymunedol \u00e2 diddordeb mewn cymunedau dyfeisgar yng Nghymru eisiau gweithio gyda'r Ganolfan i ddysgu gan y goreuon ymhlith y partneriaethau aml-sector hyn.\u00a0 Gyda\u2019n gilydd, roeddem am ddeall sut beth yw dulliau cydweithio effeithiol, a dysgu beth sy'n sail iddynt. Pa bethau y mae dulliau cydweithio effeithiol yn eu gwneud er mwyn llwyddo a sut y gallech chi wneud i sicrhau bod dulliau cydweithio yn gweithio\u2019n well yn eich ardaloedd chi \u2013 yn seiliedig ar yr hyn rydym yn ei ddysgu am y camau y mae pobl yn eu cymryd mewn ardaloedd eraill.<\/p>\n

BETH WNAETHOM NI?<\/strong><\/p>\n

Ein nod oedd dysgu mwy mewn gwaith ymchwil ac ymarfer beth sy\u2019n gwneud i gydweithrediadau weithio\u2019n dda.<\/p>\n

PRIF GANFYDDIADAU<\/strong>\u2019r ymchwil hon oedd y CAMAU<\/strong> y dylech eu cymryd i ddatblygu nodweddion cydweithio da. Rydym i gyd yn gwybod bod angen pethau fel ymddiriedaeth, arweinyddiaeth gref ac ar y cyd, ac asedau da sy\u2019n seiliedig ar le. Ond nid yw\u2019r pethau hyn yn digwydd nac yn ymddangos dros nos, mae angen mynd at i\u2019w datblygu a\u2019u cynnal. Beth mae pobl yn ei wneud i alluogi ymddiriedaeth i fod yn nodwedd o\u2019u dull cydweithio? Beth mae pobl sydd \u00e2 dulliau cydweithio da yn ei wneud i ddatblygu, rhannu a defnyddio asedau\u2019n dda? Ein nod oedd canfod beth wnaeth pobl i ddatblygu\u2019r nodweddion hyn.<\/p>\n

Gwelsom fod enghreifftiau o gydweithio da yn y gymuned yn digwydd mewn tri maes allweddol:<\/p>\n