Mae Alisha yn Bennaeth Ymchwil a Gwerthuso Ymddiriedolaeth GIG Iechyd Cyhoeddus Cymru, Ymgynghorydd Iechyd y Cyhoedd i’r GIG ac mae’n Athro er Anrhydedd yng Nghyfadran Iechyd a Gwyddor Bywyd Prifysgol Abertawe.
Mae’n gweithio ym maes ymchwil a gwerthuso iechyd y cyhoedd, gan lywio polisïau ac ymarfer iechyd ar lefel leol a chenedlaethol, ac mae ganddi dros 20 mlynedd o brofiad mewn sectorau gwahanol. Mae ei diddordebau yn cynnwys manteisio ar gyfleoedd i wneud y mwyaf o werth data mewn sectorau gwahanol er mwyn gwella iechyd a thegwch, gan gynnwys mynd i’r afael â phenderfynyddion iechyd.
Yn 2018, datblygodd yr astudiaeth gyntaf ar iechyd digidol ac ecwiti yng Nghymru i fod yn gynrychioliadol yn genedlaethol https://icc.gig.cymru/pynciau/technoleg-ddigidol-ac-iechyd/, ac mae’n parhau i ddatblygu maes newydd iechyd cyhoeddus digidol, gan gadeirio Grŵp Diddordeb Arbennig y Gyfadran Deallusrwydd Artiffisial ym maes Iechyd Cyhoeddus ac Iechyd Digidol, a Grŵp Diddordeb Arbennig Deallusrwydd Artiffisial Clinigol Alan Turing.